Þröngu gallabuxurnar hafa orðið uppáhald í fataskápum margra, þar sem þær fylgja línum líkamans og skapa fallega skuggamynd. Skinny-gallabuxur eru þrengsta sniðið, þar sem skálmarnar liggja þétt að líkamanum alla leið niður. Slim-gallabuxur eru líka þröngar, en með aðeins rýmri skálmum, sérstaklega frá hné og niður.

Bæði bootcut og flare eru gallabuxnasnið með útvíðum skálmum. Flare-gallabuxur víkka frá hnjánum og niður. Bootcut-gallabuxur eru þröngar yfir mjaðmir og læri og víkka meira út við ökklann. Þetta eru gallabuxnasnið sem margir elska, sérstaklega vegna þess að þau skapa jafnvægi í skuggamyndina.

Beinar gallabuxur, eða straight-gallabuxur, eru með beint snið í skálmunum frá toppi til botns. Gallabuxnasnið sem fer aldrei úr tísku og hentar fullkomlega við öll tilefni. Beina sniðið gerir það að verkum að þær geta auðveldlega verið annaðhvort hversdagslegar eða sparilegri, eftir því hvernig þú stíliserar þær.

Jeggings eru leggings sem líta út eins og buxur eða gallabuxur. Þær sameina þægindi leggings-buxna við smáatriði úr buxum og gallabuxum, svo sem gerviklauf og gervivasa. Flottur valkostur við venjulegar gallabuxur fyrir þann sem vill einfaldari og þægilegri buxur.